Allt þetta fína frá Kína

Helstu viðfangsefni eru að gefa brjóst, skipta á bleyjum, lesa, stara út í loftið, spjalla.  Við gerum okkur dagamun með að baka og elda góðan mat.  Um daginn bakaði ég ástarpunga í fyrsta skipti.  Þeir heppnuðust ekkert rosalega vel en voru alls ekki vondir, bara ekki eins góðir og þeir geta verið.  

Á laugardaginn gerðum við  okkur ferð niður í bæ á meðan Magnús og Örn fóru í gítar og trompet tíma. Ég, amma og Boggi röltum um franska hverfið á meðan og skoðuðum okkur um.  Ásta var í magapoka og steinsvaf allan tíman.  Það var frekar kalt svo hún var inná mér og lopapeysa og úlpa yfir.  

Um helgina ætlum við að kíkja í silkiverksmiðjuna í Suzhou ef veður leyfir.